Ek's al 9 maande oud

Hallo Julle Almal

Ek het darem 'n besige paar weke agter die rug. Maandag het ek nege maande oud geword, en ek moes alweer ingespuit word op my vermaanding. (Op hierdie foto is ek presies 9 maande oud!). Ek is nou al 75cm lank - amper die helfte van Mamma se lengte, en weeg 8,4Kg!


Ek moes glo vir masels ingeent word. Mamma het saam gegaan - dit was nie te seer nie. Die vriendelike tannie het gese ek mag dalk bietjie siek raak die week wat kom. Dit is glo normaal met die inspuiting. Ek weet nie hoekom hulle kindertjies inspuit net om hulle siek te maak.

Pappa was die hele laasnaweek weg. Mamma moes alleen na my kyk van die Donderdag af. Pappa het my darem Donderdagoggend saamgevat na 'n tannie wat baie diertjies het. Ek het baie voels gesien en twee apies. Die een was 'n nagapie - hy het vreeslike groot oe. Die tannie gee vir hom sweeties dan kom hy uit in die dag. Dit was baie lekker.


Laas Sondag was dit Oesfees by ons Kerk. Al die foto's van my, wat ek laas week opgesit het, is daar geneem. Ons was van vroeg af daar en kon lekker Potjiekos eet. Ek weet nog nie wat dit is nie, maar almal het gese dit was heerlik. Pappa het darem vir my bietjie roomys gegee - en my Purity was my favourite - Potato!!

Mamma en Pappa se maatjie van die Kaap het Donderdagaand by ons geslaap. Sy het baie lekker met my gespeel. Mamma se tannie Chanelle speel so lekker met my want sy het self twee seuntjies. Ek dink dit was omdat sy alklaar baie lief is vir my. Dit is ek en sy op die foto. Sy het vir my 'n baie oulike spelietjie geleer - mens sit goed op jou kop en kyk hoe dit afval. Ek het baie lekker gelag!!



Pappa en Mamma het my baie bederf die week!! Hulle het vir my 'n swembad gebou. Baie ooms het laas Donderdag begin - ja dit is toe Pappa Sun City toe was - en Dinsdag was hulle klaar. Dit lyk baie lekker en ek kan nie wag om daarin te kan swem nie. Pappa het gese ek mag nooit alleen swem nie!!

Vandag was baie lekker. Eers het Craig vir my, my eerste Harley Davidson geskenk gegee! Die foto hier sit ek langs Harley die apie by sy Harley Davidson. Pappa wil so graag vir my ook so 'n hempie kry met die regte egte Harley Davidson daarop.

Ingrid en Anton het ook kom kuier. Hulle het vir my 'n pragtige surfhempie gebring. Pappa hou baie daarvan. Ingrid het ook Pappa en Mamma se hare gesny. Mamma lyk baie anders maar ek hou daarvan. Mamma gaan haar hare wat afgesny is vir mense met kanker skenk. Hulle maak vir hulle hare om te dra daarvan. Ek is baie lief vir my Mamma.

Mamma het vanoggend vir my 'n baie lekker koekie gegee. Ek het baie gemors maar dit was baie lekker. Dit het sulke bruin soet goed opgehad. Pappa se dit is sjokolade en hy't gese ek mag dit eers eet as ek 4 word! Mamma het die koekie vir my gegee toe hy nie kyk, en ek het sommer dadelik begin eet. Ek kan nie glo ek sal nou moet wag tot ek vier jaar oud is voor ek dit weer mag eet.

Ons was vroeg vanoggend (11 uur, maar dit is vroeg as jy 'n baba het se pappa) by Toy's R Us. Hier het ek aan 'n groot kameelperd gevat. n Tannie met baie lang bene het vir my 'n hondjie met 'n ballon gemaak. Ek wou dit eet maar Pappa het gekeer.

Dis nou eers al nuus. Julle moet 'n lekker week he. Liefies vir julle en skryf asb terug vir my!

FRANCOIS

Hallo Almal!

Ek het amper 'n maand laas met julle gepraat - en dit net oor my mamma en pappa so besig is! Groot askies, hoor? Dit sal beslis nie weer gebeur nie!

Dit gaan so goed met my - ek raak lekker groot en my mamma en pappa se ek is te ougat ... (het nie 'n idee wat dit beteken nie)

Julle kan sien ek probeer deesdae self die bottel vashou, maar ek is maar lekker lui om dit te doen - dis BAIE lekkerder as die grootmense dit vir my doen! Ek is ook nog steeds niks lus vir melk drink nie! My mamma het my probeer flous deur laas naweek ander melkies aan te maak, maar toe hou ek my mondjie selfs nog meer toe as gewoonlik; en op die ou end moes hulle maar weer van die NAN vir my gee. Ek is ook nie juis lus vir sappies (en glad nie water) nie ... Tee is vir ou mense - dis nou wat ek besluit het.

Ek kruip darem nou baie-baie ampertjies! Ek hou my mense en Maria BAIE besig! Maria leer my eintlik om te probeer kruip. Sy hou van my speelgoedjies voor my en dan strek ek omtrent om daaraan te raak.

Ek het vandag vir die eerste keer uit my eie uit gewaai - dit was ook vir Maria! My mamma en pappa het 2 dae terug my handjie so vasgehou as iemand vir my waai en toe dog ek maar vandag sal ek op my eie waai as Maria busstop toe gaan. Sy was so opgewonde! Ek het ook vandag vir die eerste keer in my cot opgestaan teen die reelings. (ek het dit al 'n paar keer gedoen, maar my mamma se ek het STERK opgestaan vandag)

Ek verras die mense nou omtrent elke dag met ietsie anders. Ek maak baie cute klankies - my eerste "woord" was al op 8 weke en dit was "eina" - maar ek belowe niemand het my seergemaak nie, dit het sommer net uitgekom. Ek se die gewone goedjies soos "ma-ma" en "ba-ba" maar ek se dit sommer net - nie altyd VIR my mamma of myself nie. Ek kwyl ook weer verskriklik baie, so ek dink ek kry weer tande.

My ouma en oupa van Klerksdorp het die Saterdag van die langnaweek by ons gekuier. My ouma Polla het my opgepas sodat my mamma en pappa die oggend kon gaan golf speel (my pappa het net die helfte gespeel). Dit was lekker om hulle ook weer te sien.

Ek Kruip AMPER!!

My Eerste Tandeborsel sessie

Hallo Julle!

Sjoe, maar ek het 'n besige week gehad! Mamma het vir my 'n stel tandeborsels gekoop - ja man, julle onthou mos ek het al twee tandjies. Hier sien julle my eerste probeerslag daarmee! Ek moet se ek het aanvanklik baie gegril. Ek het my gesiggie maar baie getrek en (nes Mamma) myself naargemaak. Julle weet mos dat ek, Mamma, Lindsey en Ingrid maak so Eaaw, Eaaw en gooi amper op. O Ja Ashley maak ook so veral as Pammy (dis ons kat) in Hein se kar poef!!



My Tandjies voel nou sommer beter!!

Mamma is regtig baie lief vir my. As sy in die middag by die huis kom, mag ek op haar magie slaap. Dit is so lekker!! Ek wil nou glad nie meer in die middag slaap tot Mamma hier is nie.

Pappa kyk deesdae baie mooi na my in die aande. Hy se Mamma is baie moeg gewerk elke dag en hy sal eerder dat sy bietjie rus!! Pappa het agter gekom dat ek baie beter drink as hy my in die nag optel voor hy my, my bottel gee. Hy hou my styf vas en sit dan die bottel 'n paar keer terug in
my mond tot dit op is. Ek is ook baie lief vir Pappa!!

Julle kan mos sien hoe lekker le ek hier. Mamma raak dan sommer ook partykeer saam met my aan die slaap!


Tannie Lizel het vir my, my eerste biltong gegee! Ek het nie geweet wat dit is nie, maar Pappa het verduidelik dat dit gedroogde kossies is. Hy se hy sal my wys as ek bietjie groter is. Dit was nogal lekker, maar proe snaaks. Pappa se dit gaan nog my gunsteling word!

Sondag het Ingrid en Anton by ons kom braai. DIt was vrek warm! Mamma het my sommer op die gras kom bad. Ek was bietjie deurmekaar, want dit was nog voor ek op haar magie kon slaap (In die middag), en ons het nie in my kamer gebad nie! Dit was ook in so 'n snaakse vorm groen badjie!!

Mamma het ook vir my so 'n snaakse broekie aangetrek. Mamma het later verduidelik dat dit swem genoem word en dat die broekie ('n geskenkie van Tannie Carina) 'n swembroek genoem word! Mamma het sommer vir my baie

speelgoedjies gebring en het het lekker lank buite geswem. Hulle het goed aan my gespuit sodat die son my blykbaar nie seer kan brand nie en die swembadjie was onder 'n groot sambreel in die koelte ... (dis vir Ouma en Oupa om te weet ek sal nie rooi brand nie)

O Ja ons was ook weer op die lughawe Sondag oggend! Ons het vir tannie Karin en oom Floris gaan groet. Hulle het my nog nie gesien nie maar tannie Karin skryf darem so nou en dan vir my!!

Dit was baie lekker om hulle te sien. Hulle bly in die Paarl waar wyn vandaan kom!

Oom Anton het lekker met my gespeel. Ek hoop hy kom gou weer kuier! Tannie Ingrid gaan alweer Kaap toe later die week vir 'n rukkie. Ek is so bly ek het nou familie hier naby in Gauteng!!

Pappa het hierdie geneem net om te wys ek's baie slap!

Pappa se ek gaan oor twee weke begin kruip! Ek kruip al reeds op my ruggie. Ek le so lekker op my ruggie en stoot myself dan op! Dit is nogal lekker om te kan beweeg!!

Julle moet lekker bly.

Liefies julle

FRANCOIS