Vandag is ek 21 Daggies oud

Vandag is ek drie wekies oud.

Pappa het laas week by my en Mamma gebly. Ons het baie lekker gespeel. Pappa het min geslaap maar hy het lekker met my gesels vroeg in die oggend. Mamma het hom party oggende jammer gekry dan laat sy hom maar slaap. Dan speel ek en sy maar alleen. Pappa is nog steeds die beste om my windjies uit te kry. Mamma weer is die beste met borsvoed. Ek het laas week weer 100g opgetel. Dit klink maar min maar dit is moeilik vir my om soveel op te tel. Julle kan sien hier is my arm en beentjies maar baie maer.



Pappa moes vandag weer gaan werk. Hy het baie hartseer gelyk vanoggend toe hy moes baai se. Ek was baie soet vandag en het nie vir Mamma gepla nie. Mamma is baie lief vir my. Sy se heeldag dat ek die mooiste seuntjie is. Sy gee my ook baie liefies.

Dit was baie koud laas week. Vandag was die eerstekeer dat Mamma vir my kon kort kleretjies aantrek. Ek en Mamma het ook baie ver gestap vandag. Mamma het gestap en my in my waentjie gestoot. Ek het eintlik maar net geslaap. Hier onder het ek vir die eerste keer in my kot geslaap. Dit was baie lekker. EK hou steeds meer daarvan om by Pappa en Mamma in die bed te slaap.

Pappa het my kamer baie mooi gemaak. Ek bad baie lekker in sy badjie. Meeste van die tyd skrik ek as Mamma my uittrek om te bad, dan huil ek baie. Dit is darem baie lekker om skoon te wees. Ek sal gou weer skryf maar nou roep Mamma my om te kom drink en slaap.

Lief julle!!!!

FRANCOIS

Lekker by die huis

Hallo Almal

DIt is vir my nou al baie lekker by die huis. Ek slaap elke aand styf teen Mamma. Pappa het maar opgegee en slaap op 'n matrassie op die vloer. Hy wil graag in die nag vir Mamma help met my windjies. Gisteraand moes Mamma maar alleen sukkel,want Pappa het nie eers wakker geword as ek huil nie. Ek sukkel baie met krampies op die oomblik!

Gister het my naeltjie afgeval. Dit was nie lekker met die biltongtjie op my maag nie. My doeke het die heeltyd daarteen geskuur.

Vanmiddag het ek lekker in Pappa se arm gele en slaap. Pappa hou daarvan om my styf vas te hou. Pappa moes vir drie dae 'n masker gedra het, want hy was siek en wou my nie aansteek nie.
Mamma en Pappa jaag die heeltyd die katjies weg as hulle naby my kom. Ek kan nie wag dat hulle by my kan slaap nie!

More gaan ons weer om geweeg te word. Die dokter het laas week gese ek moet more 3.3kg weeg. Pappa en Mamma dink ek het al baie gegroei maar ek weeg maar dieselfde.

Sondag het my eerste maatjie kom kuier. Sy naam is DJ. Hy is net 10 weke ouer as ek, maar hy is baie groter as ek. Ek sal hom maar nie kwaad maak nie.

Dankie dat julle almal so lief is vir my. Ek hou van die briefies wat tannie Ronel vir my skryf. Ek wens net die ander mense wat na my fototjies kyk will ook vir my briefies los. Pappa se as julle nie weet hoe moet julle net vir hom vra.

Lief vir julle.

FRANCOIS

13 Daggies

Hi Almal




More is ek twee wekies oud. Mamma en Pappa is nou al baie goed om na my te kyk. Mamma het eers gesukkel om my kossies te gee in die aand. Sy is nou al baie goed. Pappa is nog die beste om my windjies uit te vryf. Hy sukkel nog om my te bad en is bang ek val of breek. Mamma is baie goed en ek hou daarvan as sy my bad.



Ek slaap nog baie. Mamma gee my so elke 2.5 tot 4 ure kos. Ek dink ek weet nog nie wanneer Mamma en Pappa wil slaap nie. Hulle se ek moet korter slaap in die dag en dan eerder vier ure in die nag. Ek weet nog nie wat hulle bedoel nie. Wat is dag en wat is nag?

Pappa en Mamma hou baie daarvan om my te soen. Mamma se sy gee my liefies. Ek het gesien as ek bietjie huil dan tel Mamma of Pappa my lekker op. Ek hou daarvan so partykeer huil ek sommer net om bietjie opgetel te word en om LIEFIES te kry van Mamma. In die aande le ek lekker op Pappa se bors en slaap. As hy my neer sit dan huil ek net weer. Pappa tel my dan vinnig weer op.

Mamma se ek is die mooiste babatjie. Sy se sy gaan my opvry. Ek begin nou al rondkyk as ek nie meer wil slaap nie. Dit is nogal lekker. Mieka (die wit katjie) het gisteraand styf teen die kussing wat agter my rug was, gele en slaap. Mamma se sy hou nie daarvan nie. Pappa se weer dit is oulik van sy wit "dogtertjie". Pappa ruil baie my doeke om. Hy sukkel nog, want elke keer as hy dit doen, piepie ek hom nat. Mamma is beter daarmee.
Ek het vir Pappa gevra om my te help met engels. On this photo is our neighbours. They are very nice to me. Uncle Greg works very hard and travels a lot. I miss him when he's away. Auntie Fay visits me at least twice a week. I like to sleep on uncle Gregs chest.


Mamma smeer my room wat lekker ruik na ek gebad het. Sy se sy wens my naeltjie wil nou afval. Ek wil dit nie he nie want dan gaan daar 'n gat in my maag wees. Ek hoop nie dit gebeur nie. Mamma maak seker maar net 'n grappie met my.

Pappa se hier lyk ek net soos 'n engeltjie. Pappa slaap ook party keer met sy arms bo sy kop. Hier le ek in my bedjie wat doef doef maak. Ek mis vir Mamma en Pappa as ek slaap.




Pappa het hierdie foto van my en Mamma geneem. Dit is my kamer. Ek het nog nie een aand daar geslaap nie. Ek slaap baie lekkerder styf teen Mamma. Ek het dit nie geglo toe Mamma se ek is in die knop by haar maag nie. As ek nou kyk hoe plat Mamma se maag is, was dit seker waar. My Mamma lyk pragtig hier.




Ek het die laaste twee daggies baie krampies gehad. Ek slaap so uur na Mamma my kos gegee het, dan pla die krampies my en ek begin huil. Pappa skud dan die windjies uit. Hy ruil dan ook my doek. Dit is dan wanneer ek hom nat piepie. Ek is nou eers weer reg vir slaapies.

FRANCOIS