Vandag is ek Agt weke oud

Hallo Almal

Ek is vandag AGT WEKIES oud!!! Ek kan nie glo ek word so groot nie. Dit was baie lekker in Mamma se maag, maar dit is darem baie lekkerder om vir my Mamma en Pappa te kan smile! Ek het Saterdag heeloggend vir Pappa gesmile, hy was so bly!! Ek moet dit maar meer doen!

Vanoggend was ek vir die derde keer by die chiro!! Dr Nana se alles gaan goed. Hy moes weer my pelvis skuif. Ek voel nou sommer baie beter.

Pappa probeer nou die eerste skof vat om na my te kyk, ek dink hy is baie slim want ek slaap beter tot drie uur in die oggend (ek word so 3 keer wakker vir melkies). Mamma speel dan met my van drie uur; ek wil nie dan weer slaap nie. Ek hou dan veral van die ligte aan (ek skree lekker as sy dit afskakel!) en dan kyk ek vir 2 prentjies teen die muur!

Ek het Donderdag 4,75kg geweeg. Mamma was baie bly! Sy het darem nie weer gehuil nie. Ek dink dis 'n goeie teken. Mamma het laasweek vir my nuwe bottels gekoop. Ek dink 'n dokter het dit gemaak, op die boks staan daar Dr Brown. Ek drink baie lekker, sluk minder winde en my mondjie raak nie so moeg nie. Ek dink Pappa is baie bly hieroor want nou hoef hy nie meer so baie winde uit te skud 3 uur in die oggend nie!

Saterdag het Pappa en Mamma my na 'n troue gevat. Dit is glo wanneer twee mense baie lief is vir mekaar en ook 'n pappa en mamma wil word. Ek was stroopsoet!! Mamma kon nie glo dit is ek nie. Pappa het my nie eers medisyne gegee nie! Ek wou net vir almal wys watse goeie ouers Pappa en Mamma is. Ek het toe maar opgemaak, en die hele Sondagmiddag gehuil! Pappa het nie meer geweet wat om met my te doen nie, toe gaan stap hy maar met my op die golfbaan. Ek het toe baie lekker geslaap.

Pappa gaan Vrydag Durban toe. Ek en Mamma gaan dan alleen by die huis wees. Pappa is baie bekommerd dat Mamma baie moeg gaan wees. Hy kom darem Saterdag weer terug!

Liefies vir julle,

FRANCOIS

PS: Baie dankie vir tannie Ronel van die Paarl (ek weet nie waar dit is nie) wat elke keer vir my ietsie terug skryf. Dit is baie lekker om altyd haar boodskappies te lees!!

Amper Twee Maande

Nog net agt slaapies dan is dit my tweede vermaanding!!


Pappa het gese ek moet hierdie foto weer vir julle wys sodat almal kan sien dat Mamma my genoeg kossies gee. Hierdie was dag een. Pappa se ek was omtrent 2 uur oud hier. As julle na die volgende fototjie kyk, sal julle sien hoe groot ek nou is!








Hier bad ek die eerste keer saam met Pappa in die groot bad! Ek was baie soet in die groot bad. Ek het net vir Mamma laat weet ek hou meer van in die water wees as uit. Dit is baie koud as Mamma my uithaal....
Ek het laas week 4.35kg geweeg! Mamma gaan my more weer weeg.

Mamma het hierdie foto spesiaal vir tannie Alta geneem,want dis een van die vele pakkies klere wat sy vir my gegee het. Sy werk nou in Dubai (ek weet nie waar dit is nie maar dis ver). Mamma se hier lyk ek nes Pappa! Pappa frons ook baie as hy buite is. Mamma se altyd vir hom hy gaan baie plooie kry as hy nie ophou, dan gaan die ander kinders my spot oor my oupa vir 'n pappa.

Hier is ek in my denim pakkie. Mamma het eers gedink tannie Ivy se blinkertjies het op my gekom, maar al die tyd was die blinkertjies op my hempie. Tannie Tersia van Oudsthoorn het dit vir my gegee. Ons het vir tannie Ivy gaan hallo se op die lughawe - sy wou my baie graag sien. Dit is glo 'n plek waar groot vliegtuie slaap(vliegtuie lyk baie soos groot wit voels maar hulle vlerke beweeg nie). Pappa het vir my en Mamma kaartjies gekoop, mens het dit nodig om op die vliegtuie te kan kom, om vir Ouma en Oupa te gaan kuier. Pappa gaan ons dan later kom haal.
(Ek dink Pappa kry maar swaar,want hy lyk baie moeg. Ek dink hy gaan lekker rus as ons by Ouma en Oupa gaan kuier! Maar hy gaan baie erg verlang ...)

Pappa was baie hartseer; ek het vir Mamma geglimlag toe ek net vyf wekies en twee daggies oud was! Pappa het elke dag probeer dat ek vir hom ook moet smile, maar ek wou nie. Ek het iewers gehoor as mens langer wag vir iets dan waardeer mens dit meer(Pappa het my gehelp met die groot woorde). Ek het vir tannie Daleen, my dokter, en ook vir Maria gesmile, maar nie vir Pappa. Gisteraand het Pappa na my gekyk. Hy het baie moeg gelyk en toe smile ek maar vir hom sodat hy moet beter voel. Hy wou my opeet, maar Mamma het vir hom gese hy mag nie hard met my praat in die aand, want dan slaap ek nie weer, so hy het my net 'n drukkie gegee. Ek kon sien in sy oe dat hy baie bly was!

Hier rus ek so bietjie nadat ek heeldag geoefen het vir die Springbokke. Pappa se hulle het al die hulp nodig wat hulle kan kry. Pappa se dit sou beter wees as ek darem kon wag tot ek twee is voor ek vir hulle speel. Pappa se hy kry hulle ook maar jammer so ek mag hulle maar uit help! My niggie in die Kaap, Lindsey, het hierdie hempie vir my gestuur. Ek kan nie wag om haar te ontmoet nie!

Ek moet net noem dat ek na 'n chiropraktisyn (groot woord!) was vir my koliek. Die dokter "skiet" my werwels met so 'n snaakse masjientjie - dit maak dat my beentjies weer ewe lank word. Ek het daardie dag sommer lekker geslaap, maar die krampies is nog erg, so ek gaan more weer na hom toe. Hou duime vas!

Ek het vandag vir Pappa 'n boek gekoop! Mamma se hy hou van oom Wilbur Smith se boeke en dit is sy nuwe een.

Ek sal nie weer solank wag voor ek skryf, dit is baie lekker om vir julle almal te vertel hoe dit met my gaan. Liefies vir julle almal en onthou om vir my ook te skryf!

FRANCOIS

1 Maand oud

Sjoe wat 'n week! Ek het so baie om vir julle te vertel! Pappa se ek moet asb vir al my "FANS" jammer se dat ons so lanklaas geskryf het. Ek kan sien Pappa sukkel met die min slaap. Ek weet nie hoekom hy kla nie. Ek is dan lekker uitgerus. Pappa was ook so een of twee keer nie baie vriendelik as ek of Mamma hom 2 uur of 4 uur die oggend wakker maak nie. Hy verstaan nie dat ek dan honger is en lekker geslaap het nie!

Mamma het baie geskrik so twee weke terug. Sy het my laat weeg en toe het ek net 60 gram opgetel vir die week. Mamma het baie gehuil. Mamma het toe begin om my kossies met 'n snaakse masjien bymekaar te maak. Hulle gee dit nou vir my in 'n snaakse bottel. Ek moet nog steeds vrek hard suig om dit uit te kry. Ek het toe sommer 450 gram opgetel in net 5 daggies. Mamma het sommer weer begin huil! Ek dink Mamma huil maklik as dit met my te doen het. Mamma se sy't gehuil omdat ek so mooi opgetel het - grootmense is maar snaaks!!!

Op my kleertjies is 'n prentjie van 'n Zebra. Ek weet nie wat 'n Zebra is nie. Pappa het belowe om my te wys as ek bietjie groter is. 'n Tannie wat saam met Pappa werk het die klerepakkie vir my gegee.

Hier is ek presies vier wekes oud! Dit was al amper 'n week terug. More is ek al 5 weke. Een van die dae moet ek begin werk. Ek is sommer moeg as ek net daaraan dink...

Mamma se baie vir my ek is die mooiste seuntjie! Sy gee my nou ekstra liefies omdat ek nie meer aanmekaar aan haar tietie drink nie. Sy gebruik mos die schooee schooee masjien om dit uit te kry.

Mamma vra baie vir Pappa om my doeke te ruil,want hy is baie goed daarmee! Ek's baie lief vir my Pappa en Mamma. Ek het gisteraand weer vir Mamma gevang! Sy het my doek geruil en toe piepie ek myself lekker nat. Mamma was seker maar baie moeg want dit was 3 uur die oggend. (Mamma is baie beter as Pappa in die nag - Pappa hoor my nie eers huil nie.)

Hier is my "vermaanding". Mamma het hierdie woord gemaak net vir my. Sy se almal ken 'n verjaarsdag. Maar as jy so klein is soos ek dan is jou vermaanding baie belangrik. Sjoe my Mamma is slim!

Hier is 'n foto van ons almal op my vermaanding!!!! Pappa lyk baie moeg ne!!!

My kleertjies wat ek aan het 'n baie oulike oom en tannie by Mamma-hulle se sel vir my gegee. Mamma en Pappa het baie oulike mense in hulle sel. Ons was ook vandag vir die eerste keer as 'n gesin in die kerk. Mamma se Pappa het niks geluister - hy het my die heeltyd vasgehou. Dit was baie lekker! Daar was baie babatjies in die kerk. Die oom wat so baie gepraat het, het hulle sommer daar voor gebad. Mamma doen dit elke dag met my as sy my hare was. Ek wonder of hulle Mammas vergeet het om hulle te bad voor hulle kerk toe gekom het. Pappa het vir my verduidelik van doop. Ek kan nie wag om ook gedoop te word nie - want ek is deel van God se verbond! Hy het my vir Pappa en Mamma gegee.

My ander Ouma en Oupa het gister kom kuier. Ek het hulle nog nooit gesien nie. Dit is my Pappa se Mamma. Hier gee Ouma vir my van Mamma se kossies. Ek hoop hulle kom gou weer kuier.

Hier sit ek by Oupa. Ek huil lekker! Babatjies soos ek huil maar partykeer - ons oefen maar net ons longetjies. Oupa is bang om babatjies soos ek vas te hou. Sy ogies werk nie en hy's bang hy maak my seer!!!

Liefies vir julle almal!!!

FRANCOIS